“Зар мэдээ сурталчилгаа сонин” ХМХ нь 1996 онд байгуулагдсан. Хэвлэл мэдээлэл, харилцаа холбооны  салбарт зар сурталчилгааны төрөлжсөн  сонин эрхлэн гаргах, лавлах утасны, вэб сайтын, видео болон фото студийн үйлчилгээг үзүүлэх чиглэлээр үйл ажиллагаагаа явуулдаг.

Зар мэдээ сурталчилгаа сонин нь долоо  хоногийн Мягмар, Баасан гарагуудад тогтмол хэвлэгдэн гарч хэвлэмэл болон цахим хэлбэрээр www.zarmedee.mn, autozar.mn сайтаар хот, бүс орон нутаг, интернэт хэрэглэгчиддээ тогтмол хүрдэг.

Сонин үүргээр тогтмол борлуулдаг 200 гаруй борлуулагчидтай түнш хамтын өргөн харилцаатайгаар үйл ажиллагаагаа явуулдаг.

Зар реклам сурталчилгааг  хэрэглэгчдийн захиалгад үндэслэн  дизайны өвөрмөц шийдэл, хэвлэлийн технологиор дамжин мэргэжлийн баг хамт олны ур чадвараар бүтээж зах зээлд  түгээснээр хэрэглэгч захиалагчдыг холбосон гүүр болон ажиллаж байна. 

Зар сурталчилгааны бусад сувгууд болох  ТВ, Сайт, Сошиал медиа-тай хосолсон зарын багцын үйлчилгээг амжилттай нэвтрүүлж одоогоор ч шинэ шинэ үйлчилгээг хэрэглэгчиддээ нийцүүлэн бүтээсээр байна.

Баян сату 19001904 лавлах утсаар бүх төрлийн зарын мэдээлэл лавлагаа өгөх, сонин болон сайтад зар авахаас  гадна байгууллагын хаяг байршил утас, ахуйн зөвлөгөө, цаг үе үзвэр үйлчилгээний мэдээлэл, өдөр тутмын хэрэгцээт мэдээлэл, бүх төрлийн ханшийн мэдээлэл, танин мэдэхүй зөвлөгөө зөвлөмжүүдийг өгдөг.

Мөн уншигч  хэрэглэгчдийнхээ оюунлаг, танин мэдэхүй, соён гэгээрлийн хэрэгцээнд зориулан Дэлхийн аз жаргалын өдрөөр / 2015 оны 3 сарын 20-ны /www.Azjargal.mn сайтаа нээн ажиллуулсан юм.

Зар сурталчилгааны сонины хувьд өөрийн брэндийг хэрэглэгчдийнхээ онцлог хэрэгцээнд нийцүүлэн тасралтгүй сайжруулан хөгжүүлж  давуу тал,  үнэ цэнийг хүргэх зорилгоор ард түмэндээ  үйлчилж байна.