Манай компани нь анх 1990 онд гэр ахуйн цахилгаан хэрэгсэл, нийтийн хоолны тоног төхөөрөмжийн засвар, угсралтын чиглэлээр үйл ажиллагаа явуулахаар Чиглэл ББХХоршоо нэртэйгээр 4 ажилтантай үүсгэн байгуулагдаж байсан юм. Одоо 2 үйлдвэр, 5 салбар дэлгүүр, засвар, захиалгын үйлчилгээний албатай, 100 гаад ажиллагсадтайгаар хүнс, хоол үйлдвэрлэлийн зориулалтын тоног төхөөрөмжийн үйлдвэрлэл, худалдаа, засвар үйлчилгээний чиглэлээр “Хамтын хүчээр хөгжлийг бүтээцгээе” уриатайгаар тасралтгүй 31 дэх жилдээ үйл ажиллагаагаа явуулж байна.

Мөн ОХУ, БНХАУ-с хүнс, хоол үйлдвэрлэл, бар рестораны   зориулалтын 300-гаад нэр төрлийн тоног төхөөрөмж, 4000-гаруй нэр төрлийн тогоочийн туслах багаж хэрэгслийг импортлон хэрэглэгчдэд мэргэжлийн түвшинд үйлчилж, өргөтгөсөн худалдаагаар борлуулж байна. Манай компани нь 2019 онд ISO 9001:2015 стандартын батламжийн гэрчилгээг авсан нь Монгол Улсдаа ЖДҮ-чдээс анх удаа  чанарын удирдлагын тогтолцоог амжилттай нэвтрүүлсэн байгууллага болсон.

БНХАУ-аас 2005 онд тоног төхөөрөмж үйлдвэрлэх машин техник, багаж оруулж ирснээр үйлдвэрлэлээ эхлэж, одоогоор 30 гаруй нэрийн 80-аад төрлийн хүнс, хоол үйлдвэрлэлийн тоног төхөөрөмжийг захиалагч, хэрэглэгчийн хүссэн хэмжээ, загвараар үйлдвэрлэн нийлүүлж, баталгаат хугацаанд засвар үйлчилгээг хийж үйлчилж байна.

НМЗ-Я” маркийн 1-р хоолны тогоо, “УНЗ-Я” маркийн 2-р хоолны тогоо, 2,4,6 ширэмтэй цахилгаан зуух, бэлтгэлийн ширээ зэрэгт Евразийн эдийн засгийн холбооны тохирлын деклараци авсан. Монголдоо үйлдвэрлэж буй бүх тоног төхөөрөмжүүддээ Монгол улсын Стандарт хэмжил зүйн газрын тохирлын гэрчилгээг авсан.

БНХАУ-аас 2005 оноос эхлэн тоног төхөөрөмж үйлдвэрлэх машин техник,                           багаж оруулж ирснээр дараах тоног төхөөрөмжийг үйлдвэрлэж байна.