Бүтээгдэхүүн үйлдвэрлэл: Экологийн цэвэр, ямар ч хольцгүй бүтээгдэхүүн болох загсгал цайг үйлдвэрийн аргаар боловсруулан 100 гр-аар савласан пакеттай болон пакетгүй гэсэн төрлөөр 3 өөр савлагаатайгаар худалдаалагдаж байна.

Манай бүтээгдэхүүн болох Загсгал  цай нь:

• Хүний биеийн дархлааг дэмжиж сайжруулна;
• Биеэс хорт бодисыг гадагшлуулж, элэг, ходоод, дотор эрхтний хордлого тайлна;
• Тамир тэнхээг нэмэгдүүлж, хоолны дуршил сайжруулна;
• Хаван хөөж, хоол боловсруулах системийн үйл ажиллагааг дэмжих эрүүл мэндийн цай гэдгээрээ бусад бүтээгдэхүүнээс ялгарах онцлогтой

Манай бүтээгдэхүүн болох Загсгал  цай нь эрүүл мэндийг дэмжих цай гэдгээрээ бусад бүтээгдэхүүнээс ялгарах онцлогтой тул 2015 онд Үндэсний тохирлын гэрчилгээ авсан.

“Засгал” цайны үйлдвэр нь одоогоор өдөрт 300 ш, жилд дунджаар 10 мян.ш цайг үйлдвэрлэн гаргах хүчин чадалтайгаар ажиллаж байгаа бөгөөд өөрийн үйлдвэрийн байранд үйл ажиллагаагаа явуулдаг. Үйлдвэрлэсэн бүтээгдэхүүн маань зах зээлд эрэлт ихтэй байгаа ч үйлдвэрийн хүчин чадал хүрэлцэхгүйн улмаас хүлээлт үүсгээд байна. Иймээс бид хүлээгдэж буй эрэлт хэрэгцээг хангахын тулд бүтээгдэхүүний нэр төрөл хүчин чадлаа нэмэгдүүлэх,  нэмэлт тоног төхөөрөмжийг худалдан авах, шинээр үйлдвэрийн байртай болох, бүрэн автомат тоног төхөөрөмж суурьлуулах, улмаар одоогийн үйлдвэрлэлээ өргөжүүлэн хөгжүүлэх, шинээр ажлын байр бий болгох, хэрэглэгчдийг экологийн цэвэр бүтээгдэхүүнээр хангахад гол зорилго оршино. Манай улсад цай үйлдвэрлэдэг бүртгэлтэй байгаа 40 гаруй үйлдвэр байдаг. Монгол Улс цайны хэрэглээний 2 хувийг дотооддоо үйлдвэрлэж байна гэсэн статистик тоон судалгаа гарсан байна.